सुदूरपश्चिम प्रदेशको नेकपा एमाले संसदीय दलको नेतामा राजेन्द्रसिंह रावल चयन भएका छन् । आज (शनिबार) बसेको दलको बैठकले रावललाई दलको नेता चयन गरेको हो ।

रावल एमाले पोलिटब्युरो सदस्य तथा प्रदेश सह इन्चार्ज हुन् । त्यस्तै बैठकले उपनेतामा सन्तोष शर्मा थापा चयन गरेको छ । एमाले केन्द्रीय सचिव तथा प्रदेश इञ्चार्ज लेखराज भट्टको प्रमुख आथित्यतामा दलको बैठक बसेको थियो ।

सुदूरपश्चिम प्रदेशमा एमालेका प्रत्यक्ष तर्फका ३ जना र समानुपातिक तर्फबाट ७ जना गरी १० जना प्रदेश सभा सदस्य छन् ।