देशका विभिन्न स्थानबाट मृत अवस्थामा ८ जना फेला परेका छन् । उदयपुर, त्रियुगा नगरपालिका-१० बोक्से बस्ने ६० वर्षीया ईन्द्र देवी राई आफ्नै घरमा बुधबार मृत अवस्थामा फेला परेकी छिन् ।

त्यस्तै बझाङ, बुंगल नगरपालिका-६ कफलसेरी बस्ने ४५ वर्षीया मोहना दमाई सोही ठाउँस्थित कफलसेरी खोलामा मंगलबार मृत अवस्थामा फेला परेकी छिन् । यता चितवन, रत्ननगर नगरपालिका-२ हाईस्कुल रोड डेरा गरी बस्ने भक्तपुर सूर्यविनायक घर भएका ४० वर्षीय बाल गोपाल प्रजापती आफ्नै कोठामा मंगलबार मृत अवस्थामा फेला परेका छन् ।

यस्तै तेह्रथुम, फेदाप गाउँपालिका-२ बस्ने २६ वर्षीय रणजित लिम्बु सोही ठाउँस्थित सडकको नालीमा मंगलबार मृत अवस्थामा फेला परेका छन् । यसगरी झापा, कन्काई नगरपालिका-३ वनमारी राईस मिलमा काम गर्ने भारत घर भएका ३५ वर्षीय जिवन हस्ता मंगलबार सोही मिलको कोठामा मृत अवस्थामा फेला परेका छन् ।

यता रसुवा, गोसाईकुण्ड गाउँपालिका-६ स्थित निर्माणाधिन माथिल्लो त्रिशुली २१६ हाईड्रो पावरमा काम गर्ने सोही गाउँपालिका-५ बस्ने ४० वर्षीय रिसम वाङदी तामाङ आफ्नै सुत्ने ओछ्यानमा मंगलबार मृत अवस्थामा फेला परेका छन् । त्यस्तै दाङ, गढवा गाउँपालिका-८ डाँडागाँउ बस्ने ५२ वर्षीञ डम्फु चौधरी आफ्नै घरको सुत्ने कोठामा मंगलबार मृत अवस्थामा फेला परेका छन् ।

यसैगरी पाल्पा, रैनादेवी छहरा गाउँपालिका-६ पटुवाचौर बस्ने ६० वर्षीय बेद बहादुर बलाल सोही ठाउँस्थित नेप्टा भिरमा मंगलबार मृत अवस्थामा फेला परेका छन् । गत आइतबार आफन्तकोमा गएकोमा घर नफर्केपछि खोजी गर्ने क्रममा उनको शव फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।