नवनिर्वाचित सभामुख देवराज घिमिरेले पद तथा गोपनीयताको शपथ लिएका छन् । आज (शुक्रबार) राष्ट्रपति कार्यालय शीतल निवासमा आयोजित विशेष समारोहमा राष्ट्रपति विद्यादेवी भण्डारीले नवनियुक्त सभामुख घिमिरेलाई पद तथा गोपनीयताको शपथ गराएकी हुन् ।

शपथ ग्रहण समारोहमा उपराष्ट्रपति नन्दबहादुर पुन, प्रधानमन्त्री पुष्पकमल दाहाल ‘प्रचण्ड’, कायममुकायम प्रधानन्यायाधीश हरिकृष्ण कार्की, राष्ट्रियसभाका अध्यक्ष गणेश प्रसाद तिमिल्सिना सरकारका मन्त्रीसहित कूटनीतिक नियोगका प्रमुखहरूको उपस्थिति थियो ।

बिहीबार भएको सभामुखको निर्वाचनमा घिमिरे १६७ मत प्राप्त गर्दै विजयी भएका थिए । सभामुखमा निर्वाचित भएसँगै घिमिरेले पार्टीका सबै जिम्मेवारीबाट अलग भएको घोषण गरेका छन् ।