नेकपा माओवादी केन्द्रले स्थायी समितिको बैठक बोलाएको छ । सरकारको नेतृत्वकर्ता दल नेकपा माओवादी केन्द्रले स्थायी समितिको बैठक बोलाएको हो ।
बैठक यही माघ १२ गते पार्टी केन्द्रीय कार्यालय पेरिसडाँडामा बस्ने पार्टीको केन्द्रीय कार्यालय जनाएको छ । बैठकमा समसामयिक राजनीतिक विषय, सरकारको काम कारबाही तथा पार्टीका कामका बारेमा छलफल हुने कार्यक्रम तय भएको बताइएको छ ।
पार्टी अध्यक्ष पुष्पकमल दाहाल ‘प्रचण्ड’ प्रधानमन्त्रीमा नियुक्त भइसकेकोपछिको अवस्था, पार्टीका बाँकी कामलगायतका विषयमा छलफल हुने बताइएको छ ।
