नवकान्तिपुर संवाददाता
काठमाडौं, १८ माघ ।
पछिल्लो चौबीस घण्टामा नेपालमा ३ जनामा कोरोना भाइरसको संक्रमण पुष्टि भएको छ भने कसैको पनि मृत्यु भएको छैन । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा २हजार ३५१ जनाको नमूना परीक्षण गरिएको थियो । जसमा ५७४ जनाको पीसीआर परीक्षण गर्दा १ जना र १ हजार ७७ जनाको एन्टिजेन परीक्षण गर्दा १ जनामा कोरोना पुष्टि भएको छ ।
त्यस्तै, चौबीस घण्टामा कोरोनाका कारण कसैको पनि मृत्यु भएको छैन । नेपालमा हाल मृत्यु हुनेको संख्या १२ हजार २० पुगेको मन्त्रालयले जनाएको छ । यस्तै आज ३ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ८९ हजार ६४ जना पुगेको छ ।
नेपालमा हाल सक्रिय संक्रमितको संख्या १८ रहेको छ । यससँगै देशभर कोरोना संक्रमितको कुल संख्या पीसीआर विधिबाट १० लाख १ हजार १०२ र एन्टिजेन विधिबाट १ लाख ५२ हजार २२१ जना पुगेको छ ।
