देशका विभिन्न स्थानबाट मृत अवस्थामा ४ जना फेला परेका छन् । भक्तपुर, मध्यपुर ठिमी नगरपालिका-३ गठ्ठाघर डेरा गरी बस्ने स्याङ्जा घर बताउने ५० वर्षीय मिलन थापा मगर आफ्नै कोठामा शुक्रबार मृत अवस्थामा फेला परेका छन् ।

त्यस्तै तनहुँ, ब्यास नगरपालिका-५ पाटन बस्ने ७४ वर्षीया देविकला गिरी सोही ठाउँस्थित मादी नदीमा शनिबार मृत अवस्थामा फेला परेकी छिन् । यता कैलाली, गोदावरी नगरपालिका-७ लालपुरस्थित लक्ष्मी सामुदायिक वनमा हाल नाम, थर, वतन नखुलेका अन्दाजी ५५ वर्षीय पुरूष शनिबार मृत अवस्थामा फेला परेका छन् ।

यस्तै मोरङ, बेलबारी नगरपालिका-४ काकुम बुधबारे बस्ने ६० वर्षीय बुद्दिमान राई सोही ठाउँस्थित बाटो छेउको खाल्डोमा बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।