नवकान्तिपुर संवाददाता
काठमाडौं, २८ फागुन ।
सिन्धुलीमा बस दुर्घटना हुँदा ५ जनाको मृत्यु भएको छ भने २४ जना घाइते भएका छन् । आज (आइतबार) सिन्धुलीको फिक्कल गाउँपालिका–४ कुइभिरडाँडामा ओखलढुङ्गाबाट काठमाडौँ आउँदै गरेको बा२ख ६५९६ नम्बरको बस ‘ब्रेक’ फेल भएर दुर्घटना भएको हो ।
दुर्घटनामा परी ५ जनाको घटनास्थलमै मृत्यु भएको प्रहरीले जनाएको छ । मृत्यु हुनेमा २ महिला, २ पुरुष र १ बच्चा रहेको जिल्ला प्रहरी कार्यालय सिन्धुलीले जनाएको छ ।
त्यस्तै दुर्घटनामा घाइते भएका २४ जनालाई खुर्कोटस्थित अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले जानकारी दिए । घटनाको विस्तृत विवरण आउन बाँकी छ ।
