देशका विभिन्न स्थानबाट मृत अवस्थामा ५ जना फेला परेका छन् । झापा, शिवसताक्षी नगरपालिका-३ दिङ्लाधापस्थित सडकमा सोही ठाउँ बस्ने ६० वर्षीय कुन्डा मुर्मु सोमबार मृत अवस्थामा फेला परेका छन् ।

त्यस्तै खोटाङ, खोटेहाङ गाउँपालिका-२ मुखिताङ बस्ने ४५ वर्षीय कुलमान राई उनकै छिमेकी राम कुमार राईको घरमा सोमबार मृत अवस्थामा फेला परेका छन् । यता धनकुटा, छथरजोरपाटी गाउँपालिका-६ परेवादिन बस्ने ८० वर्षीय बल बहादुर विश्वकर्मा सोही ठाउँस्थित खोल्सामा सोमबार मृत अवस्थामा फेला परेका छन् ।

यस्तै गोरखा, सिरानचोक गाउँपालिका-२ थालाजुङ बस्ने ४५ वर्षीया लक्ष्मी विक सोही ठाउँस्थित अलैचे खोलाको डिलमा आइतबार मृत अवस्थामा फेला परेकी छिन् । उता दोलखा, कालिञ्चोक गाउँपालिका-९ मार्सी बस्ने ७० वर्षीय जगत नाथ सेडाई सोही गाउँपालिका-८ मलेपुमा आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।