देशका विभिन्न स्थानबाट मृत अवस्थामा ५ जना फेला परेका छन् । दाङ, गढवा गाउँपालिका-१ रङसिङ खोलामा सोही ठाउँ बस्ने ७० वर्षीय हस्तबिर पुन शुक्रबार मृत अवस्थामा फेला परेका छन् ।

त्यस्तै काठमाडौं, महानगरपालिका-८ भुवनेश्वरीमा हाल नाम, थर, वतन नखुलेका करिब ५२ वर्षीय पुरुष शुक्रबार मृत अवस्थामा फेला परेका छन् । यता लमजुङ, बेसीशहर नगरपालिका-२ गैरीगाउँमा हाल नाम, थर, वतन नखुलेका करिब ५० वर्षीय पुरुष शुक्रबार मृत अवस्थामा फेला परेका छन् ।

यस्तै रुपन्देही, बुटवल उपमहानगरपालिका-६ लुम्बिनी प्रादेशिक अस्पताल अगाडि बाटोमा हाल नाम, थर, वतन नखुलेका करिब ५० वर्षीय पुरुष शुक्रबार मृत अवस्थामा फेला परेका छन् । उता पाँचथर, मिक्लाजुङ गाउँपालिका-६ तिन तले घर भई हाल मिक्लाजुङ गाउँपालिका-१ बस्ने ४७ वर्षीय डिल्ली राम निरौला सोही गाउँपालिका-२ स्थित कमेरे भिरमा बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।