देशका विभिन्न स्थानबाट मृत अवस्थामा ४ जना फेला परेका छन् । गुल्मी, रेसुङ्गा नगरपालिका-७ बस्ने ६३ वर्षीय छविलाल सुनार मुसिकोट नगपालिका-५ झक्कलेस्थित आँपको रुख मुनि शुक्रबार मृत अवस्थामा फेला परेका छन् ।

त्यस्तै संखुवासभा, चैनपुर नगरपालिका-३ दाहाल डाँडा बस्ने ६५ वर्षीया नर माया बिक आफ्नै घर नजिकै बाटोमा शनिबार मृत अवस्थामा फेला परेकी छिन् । यता पर्वत, कुश्मा नगरपालिका-८ दोविल्ला खोरियास्थित मोदी खोलामा हाल नाम, थर, वतन नखुलेका अन्दाजी ३६ वर्षीय पुरुष शुक्रबार मृत अवस्थामा फेला परेका छन् ।

यस्तै लमजुङ, बेसीशहर नगरपालिका-२ गैरीगाउँमा हाल नाम, थर, वतन नखुलेका करिब ५० वर्षीय पुरुष शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।