नवकान्तिपुर संवाददाता
काठमाडौं, १४ बैशाख ।
पछिल्लो चौबीस घण्टामा नेपालमा १११ जनामा कोरोना भाइरसको संक्रमण पुष्टि भएको छ भने एक जनाको मृत्यु भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा २ हजार ५१७ जनाको नमूना परीक्षण गरिएको थियो । जसमा १ हजार ४० जनाको पीसीआर परीक्षण गर्द ७८ जनामा र १ हजार ४७७ जनाको एन्टीजेन परीक्षण गर्दा ३३ जनामा कोरोना पुष्टि भएका छ ।
त्यस्तै, चौबीस घण्टामा कोरोनाका कारण एक जनाको मृत्यु भएको छ । नेपालमा हाल मृत्यु हुनेको संख्या १२ हजार २९ पुगेको मन्त्रालयले जनाएको छ । यस्तै आज ६० जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ९० हजार ४६२ जना पुगेको छ ।
नेपालमा हाल सक्रिय संक्रमितको संख्या ३७८ रहेको छ । यससँगै देशभर कोरोना संक्रमितको कुल संख्या पीसीआर विधिबाट १० लाख २ हजार ८६९ र एन्टिजेन विधिबाट १ लाख ५३ हजार ४८० जना पुगेको छ ।
