नवकान्तिपुर संवाददाता
काठमाडौं, १० जेठ ।
पछिल्लो चौबीस घण्टामा नेपालमा १४ जनामा कोरोना भाइरसको संक्रमण पुष्टि भएको छ भने कसैको पनि मृत्यु भएको छैन । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ८५४ जनाको नमूना परीक्षण गरिएको थियो । जसमा ३८४ जनाको पीसीआर परीक्षण गर्द ९ जनामा र ४७० जनाको एन्टीजेन परीक्षण गर्दा ५ जनामा कोरोना पुष्टि भएका छ ।
त्यस्तै, चौबीस घण्टामा कोरोनाका कारण कसैको पनि मृत्यु भएको छैन । नेपालमा हाल मृत्यु हुनेको संख्या १२ हजार ३१ पुगेको मन्त्रालयले जनाएको छ । यस्तै आज १४ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ९१ हजार २३२ जना पुगेको छ ।
नेपालमा हाल सक्रिय संक्रमितको संख्या ५३ रहेको छ ।
