पछिल्लो चौबीस घण्टामा नेपालमा १० जनामा कोरोना भाइरसको संक्रमण पुष्टि भएको छ भने कसैको पनि मृत्यु भएको छैन । स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा ५८० जनाको नमूना परीक्षण गरिएको थियो । जसमा ५९ जनाको पीसीआर परीक्षण गर्द ३ जनामा र ५२१ जनाको एन्टीजेन परीक्षण गर्दा ७ जनामा कोरोना पुष्टि भएका छ ।

त्यस्तै, चौबीस घण्टामा कोरोनाका कारण कसैको पनि मृत्यु भएको छैन । नेपालमा हाल मृत्यु हुनेको संख्या १२ हजार ३१ पुगेको मन्त्रालयले जनाएको छ । यस्तै आज १५ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ९१ हजार २४७ जना पुगेको छ ।

नेपालमा हाल सक्रिय संक्रमितको संख्या ४१ रहेको छ ।