देशका विभिन्न स्थानबाट मृत अवस्थामा ११ जना फेला परेका छन् । काठमाडौं महानगरपालिका-३१ बानेश्वरस्थित बाग्मती खोला किनारामा काठमाडौं गोलढुङगा घर भई काठमाडौं महानगरपालिका-१० शंखमुल बस्ने २० वर्षीय बिकास महरा बुधबार मृत अवस्थामा फेला परेका छन् ।

त्यस्तै नुवाकोट, पञ्चकन्या गाउँपालिका-३ तिनघरे पुछारटोल अर्चले बस्ने ७१ वर्षीया एक कुमारी थापा आफ्नै घरमा बुधबार मृत अवस्थामा फेला परेकी छन् । उनीको भुइँमा लडी मृत अवस्थामा रहेको भन्ने खबर प्राप्त हुनासाथ जिल्ला प्रहरी कार्यालय र इलाका प्रहरी कार्यालय पञ्चकन्याबाट खटिएको प्रहरीले शव शंकास्पद अवस्थामा देखेपछि केनाइन शाखाबाट कुकुरसहितको टोली खटिई गएर थप अनुसन्धान गरिरहेको छ ।

यस्तै दाङ, तुलसीपुर उपमहानगरपालिका-१९ पकरे बस्ने ५६ वर्षीय लाल बहादुर बिक आफ्नो घरदेखि ३ सय मिटर टाढा कुलोमा बुधबार मृत अवस्थामा फेला परेका छन् । मंगलबार साँझ भाइको घरमा जान्छु भन्दै हिँडेका विक घरमा नपुगेपछि खोजी गर्ने क्रममा शव फेला परेको हो ।

त्यसैगरी खोटाङ, दिक्तेल रुपाकोट मझुवागढी नगरपालिका-२ सोल्मा बस्ने ५० वर्षीय डिक कुमार राई आफ्नै घरबाट करिब ५ सय मिटर टाढा पानीमा बुधबार मृत अवस्थामा फेला परेका छन् । यता गोरखा, गोरखा नगरपालिका-१० ठुटेबगरस्थित दरौदी नदी किनारामा सोही नगरपालिका-३ घर भई सिरानचोक गाउँपालिका-६ नयाँसाघुँ बस्ने ५३ वर्षीय भिम बहादुर परियार बुधबार मृत अवस्थामा फेला परेका छन् ।

यसैगरी ताप्लेजुङ, फुङलिङ नगरपालिका-४ कोप्चे लाईन घर भई सोही ठाउँ गोस लाइन डेरा गरी बस्ने ४१ वर्षीया संगिता साँवा लिम्बु श्रेष्ठ आफ्नै कोठामा बुधबार मृत अवस्थामा फेला परेकी छन् । उता डडेल्धुरा, अमरगढी नगरपालिका-११ भाडिखोला नजिक गन्यापधुरा गाउँपालिका- २ बस्ने ४२ वर्षीय गणेश बहादुर मल्ल बुधबार मृत अवस्थामा फेला परेका छन् ।

यस्तै सिरहा, कर्जन्हा नगरपालिका-२ फुल कुमारी स्कुल जाने बाटोको छेउमा हाल नाम, थर, वतन नखुलेका अन्दाजी ६० वर्षीय पुरुष बुधबार मृत अवस्थामा फेला परेका छन् । उता इलाम, देउमाई नगरपालिका-८ साङरुमबा बस्ने ३० वर्षीय लेखराज राउत मंगलबार मृत अवस्थामा फेला परेका छन् । आफ्नै बारीमा घाँस काटी फर्कने क्रममा आफ्नै बारीमा सिचाईको लागि बनाएको पोखरीमा लडेर मृत्यु भएको अवस्थामा उनको शव फेला परेका हो ।

त्यस्तै बर्दिया, बारबर्दिया नगरपालिका-१० खैसहवा बस्ने १६ वर्षीया सलिना थारु आफ्नै सुत्ने कोठामा मंगलबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।