देशका विभिन्न स्थानबाट मृत अवस्थामा ३ जना फेला परेका छन् । रोल्पा, परिवर्तन गाउँपालिका-३ उपल्लो किउरी बस्ने ३६ वर्षीय मन प्रसाद बुढाथोकी सोही ठाउँस्थित बारीमा बुधबार मृत अवस्थामा फेला परेका छन् ।

आफ्नो घर नजिक रहेको बारीमा मकैको नल काट्न भनि गएका उनी घर नफर्किएपछि खोजी गर्ने क्रममा शव फेला परेको हो । त्यस्तै भोजपुर, टेम्केमैयुङ गाउँपालिका-३ अन्नपूर्ण बस्ने ६८ वर्षीय शिव कुमार भुजेल सोही ठाउँस्थित कुलेसोमा बिहीबार मृत अवस्थामा फेला परेका छन् ।

छिमेकीको मृत्यु भई मलामी गएका उनी घर नफर्किएपछि खोजी गर्ने क्रममा शव फेला परेको हो । यस्तै रूपन्देही,  तिलोत्तमा नगरपालिका-७ बर्दगहवा बस्ने ४२ वर्षीय हर्क बहादुर रोका मगर सोही नगरपालिका-८ चार नम्बरस्थित खाली जग्गामा बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।