काठमाडौँमा जारी आइसिसी ट्वान्टी २० विश्वकप एसिया छनोटको पहिलो सेमिफाइनलमा नेपालले संयुक्त अरब इमिरेट्स (युएई) को समान गर्दैछ  । आज (शुक्रबार) घरेलु टोलीले युएईको सामना गर्न लागेको हो ।

मुलपानीको माथिल्लो मैदानमा हुने खेल नेपाली समय अनुसार बिहान ११ बजे सुरु हुनेछ । नेपाल आज युएईलाई पराजित गर्दै आगामी वर्ष अमेरिका र वेष्ट इन्डिजमा आयोजना हुने विश्वकपमा छनोट हुने योजनामा छ । उता युएई पनि  युएई पनि घरेलु टोलीलाई स्तब्ध पार्दै विश्कपमा छनोट हुने योजनाका साथ मैदान उत्रदै छ  ।

समूह ‘ए’ बाट ओमान विजेता र नेपाल उपविजेता हुँदै सेमिफाइनलमा स्थान सुरक्षित गरेका हुन् भने समूह ‘बी’ बाट युएई विजेता र बहराइन उपविजेता हुँदै अन्तिम चारमा पुगेका हुन् । बिहीबार लिग चरणको अन्तिम खेलमा नेपाल ओमानसँग पाँच रनले पराजित  हुँदै उपविजेता बनेको हो ।

त्यस्तै आजै हुने दोस्रो सेमिफाइनलमा ओमान र बहराइन भिड्दै छन् । उक्त खेल त्रिवि क्रिकेट मैदान कीर्तिपुरमा बिहान ११ बजे नै सुरु हुनेछ   ।