देशका विभिन्न स्थानबाट मृत अवस्थामा छ जना फेला परेका छन् । काठमाडौं महानगरपालिका-१४ कलंकी बस्ने ६० वर्षीया शान्ती देवी खकुरेल आफ्नै घरको बाथरूममा आइतबार मृत अवस्थामा फेला परेकी छिन् ।

त्यस्तै पर्सा, वीरगंज महानगरपालिका-३ बेही पुल नजिक बस्ने २६ वर्षीय सदाम अंसारी आफ्नै घरमा शनिबार मृत अवस्थामा फेला परेका छन् । यस्तै भोजपुर, साल्पासिलिचो गाउँपालिका-३ चौकीडाँडा छौसा बस्ने ३७ वर्षीया सन्दिरा राई आफ्नै घरमा शनिबार मृत अवस्थामा फेला परेकी छिन् ।

उता कैलाली, मोहन्याल गाउँपालिका-३ सांघुरे खोलामा सुर्खेत चौकुने गाउँपालिका-३ घर भएका ४२ वर्षीय भक्त बहादुर राना मगर आइतबार मृत अवस्थामा फेला परेका छन् । यता धनकुटा, धनकुटा नगरपालिका-७ श्रीवानी बस्ने २४ वर्षीय सुरेश तामाङ सोही ठाउँस्थित बाटोमा आइतबार मृत अवस्थामा फेला परेका छन् ।

यसैगरी सल्यान, शारदा नगरपालिका-१ शान्तिनगरस्थित शारदा खोलामा दाङ तुल्सिपुर उपमहानगरपालिका-१८ बस्ने ५९ वर्षीय दल बहादुर खत्री आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।