महोत्तरीबाट स्रोत नखुलेको रकमसहित एक जना पक्राउ परेका छन् । महोत्तरीको मटिहानी नगरपालिका-७ बसपार्कबाट स्रोत नखुलेको नगद १२ लाख ५० हजार ८ सय ४० रूपैयाँसहित एक जना पक्राउ परेका हुन् ।

पक्राउ पर्नेमा धनुषा जनकपुर उपमहानगरपालिका-२५ लोहना बस्ने ६४ वर्षीय महम्द वसिर रहेका छन् । उनलाई   शुक्रबार साँझ प्रहरीले पक्राउ गरेको हो ।

प्रहरी चौकी मटिहानीबाट खटिएको प्रहरीले उनलाई उक्त नगदसहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।