देशका विभिन्न स्थानबाट मृत अवस्थामा सात जना फेला परेका छन् । स्याङ्जा, फेदीखोला गाउँपालिका-२ सिद्धेश्वर महादेव मन्दिरको प्रतिक्षालयमा सोही गाउँपालिका- २ मिरडाँडा बस्ने ३० वर्षीय अनिल भुजेल आइतबार मृत अवस्थामा फेला परेका छन् ।

त्यस्तै धनुषा, हंसपुर नगरपालिका-७ नौवाखोर बस्ने ६० वर्षीया शुभ देवि मण्डल सहिदनगर नगरपालका-४ ननुपट्टीस्थित गहुँ खेतमा आइतबार मृत अवस्थामा फेला परेकी छिन् । शहिदनगर नगरपालिका-४ ननुपट्टीस्थित आफ्नै माइती घरबाट शनिबार हिंडेकी उनी सम्पर्कमा नआएको भन्ने खबर प्राप्त हुनासाथ इलाका प्रहरी कार्यालय यदुकुहाबाट खटिएको प्रहरीले खोजी गर्ने क्रममा उनको शव फेला पारेको हो ।

यस्तै गोरखा, गण्डकी गाउँपालिका-१ बुट्टारस्थित त्रिशुली नदी बगरमा हाल नाम, थर, वतन नखुलेका अन्दाजी ५० वर्षीय पुरूष शनिबार मृत अवस्थामा फेला परेका छन् । यता काठमाडौं महानगरपालिका-१६ माछापोखरीस्थित सडकको पेटिमा हाल नाम, थर, वतन नखुलेकी अन्दाजी ४५ वर्षीया महिला शनिबार मृत अवस्थामा फेला परेकी छन् ।

यसैगरी काठमाडौं, दक्षिणकाली नगरपालिका-७ स्थित दक्षिणकाली मन्दिरमा सुनसरी धरान महादेवचोक घर बताउने ४५ वर्षीय कुमार लामा शनिबार मृत अवस्थामा फेला परेका छन् । उता दाङ, गढवा गाउँपालिका-३ गोवरडिया बस्ने ७० वर्षीय विरजु प्रसाद चौधरी सोही गाउँपालिका-३ बाघटोलस्थित सडकमा शनिबार मृत अवस्थामा फेला परेका छन् ।

यसैगरी दाङ, लमही नगरपालिका-१ कौडिया पुल नजिकै सडकमा सोही नगरपालिका-२ सोनपुर बस्ने ४१ वर्षीय फुलिराम चौधरी शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।