नेपाल प्रिमियर लिग (एनपिएल) अन्तर्गत ‘इलिमिनेटर’ खेलमा कर्णाली याक्सले चितवन राइनोजलाई एक सय ७६ रनको लक्ष्य दिएको छ ।

कीर्तिपुरस्थित त्रिभुवन विश्वविद्यालयको क्रिकेट मैदानमा जारी खेलमा टस हारेर कर्णालीले निर्धारित २० ओभरमा ६ विकेट गुमाउँदै एक सय ७५ रनको योगफल बनायो । कर्णालीका लागि जयकिसन कोल्सावालाले सर्वाधिक ५३ रनको योगदान दिए । उनले ३९ बलमा ६ चौका र दुई छक्काको सहयोगमा ५३ रन बनाएका हुन् ।

त्यसैगरी, विल बसिस्टोले ५२ रन बनाउँदा  चाडविक वाल्टनले अविजित ४६ रन जोडे भने जिसन मक्सुदले १४ रन बनाए । चितवनका लागि सोहिल तन्वीरले दुई विकेट लिए भने शरद भेषवाकर, कुशल मल्ल र रवि बोपाराले समान एक–एक  विकेट लिए । चितवनले अहिले ब्याटिङ गरिरहेको छ ।