नवकान्तिपुर संवाददाता
काठमाडौं, १८ पुस ।
बालगायक सचिन परियारको निधन भएको छ । १३ वर्षीया सचिनको बिहीबार बिहान १० बजे निधन भएको हो ।
गत पुस ६ गते स्वास्थ्यमा जटिल समस्या देखिएपछि महाराजगञ्जस्थित त्रिवि शिक्षण अस्पतालमा भर्ना गरिएको सचिनको उपचारको क्रममा आज बिहान निधन भएको उनका बुबा तेजेन्द्र परियारले जानकारी दिनुभयो ।
सचिनको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायतका गीतहरू चर्चित छन् ।
