नवकान्तिपुर संवाददाता
काठमाडौं, ७ चैत ।
१३ वर्षीया बालिकालाई जबरजस्ती करणी गरेको अभियोगमा बझाङ, सूर्मा गाउँपालिका-४ घर भई जयपृथ्वी नगरपालिका-९ डेरा गरी बस्ने २१ वर्षीय पवन बोहरालाई बुधबार साँझ प्रहरीले पक्राउ गरेको छ ।
पवनले ती बालिकालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय बझाङबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
