स्थानीय बजारमा आज सुनचाँदीको मूल्य बढेको छ । सुन तोलामा रु चार हजार ४०० ले र चाँदीको मोल भने रु ३५५ ले बढेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला रु तीन लाख दुई हजार ९०० र त्यति नै परिमाणको सेतो धातुको मूल्य रु पाँच हजार ६९५ कायम भएको छ । हिजो सोमबार एक तोला छापावाल सुन रु दुई लाख ९८ हजार ५०० र त्यति नै परिमाणको चाँदी रु पाँच हजार ३४० मा खरिदबिक्री भएको थियो ।

अन्तरराष्ट्रिय सञ्चारमाध्यमका अनुसार आज सुन प्रतिऔंस चार हजार सात सय ११ अमेरिकी डलरमा कारोबार भइरहेको छ।