आज (बुधबार) बिहानै काठमाडौंको माइतीघरमण्डलामा सकेट बम फेला परेको छ।

महानगरीय प्रहरी परिसरका अनुसार काठमाडौं महानगरपालिका ११, माइतीघरमण्डलास्थित सेन्ट जेभियर्स कलेजअगाडि सकेट बम फेला परेको हो।

उक्त बम नेपाली सेनाको बम डिस्पोजल टोलीले सुरक्षित रूपमा डिस्पोज गरेको छ।

‘कसैले तर्साउन राखेको जस्तो देखिन्छ,’ महानगरीय प्रहरी परिसरका प्रवक्ता होबिन्द्र बोगटीले भने, ‘बिहान ८ बजे नेपाली सेनाले निष्क्रिय पारिसकेको छ।’

उक्त बम राति नै कसैले राखेको हुन सक्ने उनले बताए। घटनाबारे अनुसन्धान भइरहेको प्रहरीले जनाएको छ।