क्यारेबियन प्रिमियर लिग (सिपिएल) को उपाधि बार्बाडोस ट्रीडेन्टसले जितेको छ ।
आज भएको फाइनल खेलमा बार्बाडोसले गुयाना अमेजन वारियर्सलाई २७ रनले परजित गर्दै दोस्रो पटक सिपिएलको उपाधि जितेको हो ।
यस अघि बार्बाडोसले सन् २०१४ मा सिपिएलको उपाधि जितेको थियो ।
प्रतियोगिता भर अपराजित रहेको गुयाना फाइनलमा पराजित हुदै उपविजेता बनेको छ ।
बार्बाडोसले दिएको १७२ रनको लक्ष्य पछाएको गुयानाले २० ओभरमा ९ विकेट गुमाउदै १४४ रन बनाएको थियो ।
गुयानाका लागि ब्राण्डन किंगले सर्वाधिक ४३ रन बनाए भने कीमो पाउलले २५ र निकोलस पुरनले २४ रन बनाए ।
त्यस्तै बर्बाडोसका बलर रेमन रेईफरले ४ विकेट लिए भने ह्यारी गुर्नी र एशले नर्सले २–२ विकेट लिए । त्यस्तै हेडेन वाल्शले एक विकेट लिए ।
यस अघि टस जितेर पहिला ब्याटिंग गरेको बर्बाडोसले २० ओभरमा ६ विकेट गुमाउदै १७१ रन बनाएको थियो ।
बार्बाडोसका लागि जोनाथन कार्टरले २७ बलमा आक्रामक ५० रन बनाए भने जोहनसन चार्लिजले ३९, एलेक्स हेल्सले २८, एशले नर्सले महत्वपूर्ण १९ रन बनाएका थिए ।
