युरोकप २०२० को छनौट खेलमा जर्मनीले इस्टोनियालाई पराजित गरेको छ ।

गएराती सम्पन्न समुह सी अन्तर्गतको खेलमा जर्मनीले इस्टोनियालाई ३(० गोल अन्तरले पराजित गरेको हो ।

जर्मनीको जितमा इके गुनडोगनले २ गोल गरे भने टिमो वेर्नरले एक गोल गरेका थिए । जर्मनीले खेलको १४औ मिनेटमा रातो कार्ड पाएपछि १० खेलाडीमा खेलेको थियो । जर्मनीका एम्रे क्यानले रातो कार्ड पाएका थिए ।

जर्मनीको यो जितपछि समुह सीको अंक तालिका रोचक बनेको छ । अहिले नेदरल्याण्डस र जर्मनी ६(६ खेलमा १५(१५ अंकसहित पहिलो र दोस्रो स्थानमा छन् भने उत्तरी आयरल्याण्ड ६ खेलमा १२ अंकसहित तेस्रो स्थानमा रहेको छ ।

जर्मनीसँग पराजित भएको इस्टोनियाको भने ७ खेलमा केवल एक अंक रहेको छ ।

जर्मनीले अब छनौट अन्तर्गत अर्को महिना बेलारुससँग खेल्ने छ ।