निवर्तमान सभामुख कृष्णबहादुर महराले आफूमाथि बलात्कार प्रयास गरेको भन्दै प्रहरीका जाहेरी दिएकी संसद सचिवालयकी कर्मचारी रोशनी शाहीले जिल्ला अदालत काठमाडौंमा निवेदन दिएकी छिन् । आइतवार महरालाई अदालतमा उपस्थित गराइएपछि रोशनीले इजलासमै निवेदन दिएकी थिइन् ।
न्यायाधीश बाबुराम सुवेदीको इजलासमै उनले निवेदन दिएको स्रेष्तेदार आनन्द श्रेष्ठले जानकारी दिए । उनको निवेदनमा महराले आफूमाथि कुनै हिंसा नगरेको र सञ्चारमाध्यमा आएका अन्तर्वार्ता लगायका विषय पूर्वाग्रही रहेको र आफूहरुलाई फसाउन खोजिएको उल्लेख गरेको स्रोतको दाबी छ ।
उनले दिएको निवेदन इजलासले लिएर मिसिलमा संलग्न गरेको छ । न्यायाधीश सुवेदीको इजलासले आइतवार नै महरामाथि थप अनुसन्धानका लागि पाँच दिनको म्याद दिएको थियो ।
आफूमाथि महराले बलात्कार प्रयास गरेको भन्दै रोशनीले अरोज १२ गते प्रहरीका जाहेरी दिएकी थिइन् । त्यसपछि महरालाई प्रहरीले असोज १९ गते पक्राउ गरेको थियो ।
