च्याम्पियन्स लिग अन्तर्गत बार्सिलोनाले चेक रिपब्लिकको क्लब स्लाभिया पराग्वेलाई पराजित गरेको छ ।
गएराती सम्पन्न खेलमा बार्सिलोनाले स्लाभियालाई २–१ गोल अन्तरले पराजित गरेको हो ।
बार्सिलोनाको जितमा एक गोल लियोनेल मेसीले गरेका थिए भने एक गोल स्लाभियाका पिटर ओलायीन्काले आत्मघाती गोल गरेका थिए । स्लाभियाका लागि एक गोल जान बोरिलले एक गोल गरेका थिए ।
यस खेलमा गोल गरेसँगै मेसीले नयाँ किर्तिमान बनाएका छन् । मेसीले च्याम्पियन्स लिगको इतिहासमा लगातार १५ सिजनमा कम्तिमा एक गोल गर्दै यस्तो गर्ने पहिलो खेलाडी बनेका छन् ।
साथै मेसीले च्याम्पियन्स लिगमा क्रिस्टियानो रोनाल्डो र रियल म्याड्रिडका पुर्व खेलाडी राउलले गरेको ३३ टिमविरुद्ध गरेको गोलको बराबरी गरेका छन् ।
यससँगै बार्सिलोना समुह एफ अन्तर्गत ३ खेलमा २ जित र एक बराबरीसहित ७ अंक हासिल गर्दै शिर्ष स्थानमा रहेको छ ।
