च्याम्पियन्स लिग अन्तर्गत लिभरपुलले बेल्जियमको क्लब जेन्कमाथि फराकिलो जित हासिल गरेको छ ।
गएराती सम्पन्न खेलमा लिभरपुलले जेन्कलाई ४–१ गोल अन्तरले पराजित गरेको हो । लिभरपुलको जितमा एलेक्स ओक्सलाड च्याम्बरलेनले २ गोल गरेका थिए । त्यस्तै साडियो माने र मोहमद सलाहले एक एक गोल गरेका थिए ।
च्याम्बरलेनले १८ महिनापछि च्याम्पियन्स लिगमा खेल्दै दुई गोल गरेका थिए । यस अघि उनी २०१८ को च्याम्पियन्स लिगको सेमिफाइनल खेलेका थिए ।
त्यस्तै जेन्कका लागि स्टेफेन ओडेले एक गोल गरेका थिए ।
जितपछि लिभरपुलको समुह इ मा ३ खेलमा ६ अंकसहित दोस्रो स्थानमा रहेको छ त्यस्तै जेन्कको ३ खेलमा एक अंक रहेको छ ।
