टी-२० विश्वकप अन्तर्गत स्कटल्याण्डले बर्मुडालाई पराजित गरेको छ ।
गएराती सम्पन्न खेलमा स्कटल्याण्डले बर्मुडालाई ४६ रनले पराजित गरेको छ ।
स्कटल्याण्डले दिएको २०५ रनको लक्ष्य पछाएको बर्मुडाले २० ओभरमा ८ विकेट गुमाएर १५८ रन बनाएपछि ४६ रनले खेल हारेको थियो ।
बर्मुडाका लागि डेलरे रवलिन्सले सर्वाधिक ४६ रन बनाएका थिए भने कमाउ लेवरोकले ४३ रन बनाएका थिए ।
यस अघि टस हारेर पहिला ब्याटिंग गरेको स्कटल्याण्डले २० ओभरमा ४ विकेट गुमाएर २०४ रन बनाएको थियो ।
स्कटल्याण्डका लागि कालुम म्याकलिओडले सर्वाधिक ७४ रन बनाएका थिए । त्यस्तै जर्ज मुन्सीले ५१ रन बनाएका थिए । त्यस्तै रिची बेरिंगटनले ३४ रन बनाएका थिए भने ओले हैर्सले २३ रन बनाएका थिए ।
जितपछि समुह ए मा स्कटल्याण्डले ५ खेलमा ३ खेलमा जित हासिल गरेर ६ अंकसहित तेस्रो स्थानमा उक्लिएको छ । त्यस्तै बर्मुडा भने लगातार पाँचौ खेलमा हार बेहोरेर विश्वकप छनौट हुन असफल भएको छ ।
