उत्तरी ग्रीसमा एक कोल्ड स्टोरेज ट्रकबाट सोमवार ४१ प्रवासीहरू जीवित फेला परेका छन् ।
ट्रक चालकलाई पक्राउ गरेर प्रहरीले यो जानकारी दिएको हो । आप्रवासीहरू अफगान मूलका देखिने उसले बताएको छ । तीमध्ये अधिकांशको स्वास्थ्यस्थिति राम्रो छ ।
तीमध्ये सातजनालाई अस्पतालमा प्राथमिक उपचार गरिएको छ ।
प्रहरीले जान्थी र कोमोतिनी बस्तीहरूबीच एग्नाटिया मार्गमा ट्रक रोकेको थियो । ट्रक चालकलाई पक्राउ गरिएको छ । उनी जर्जियामा बस्छन् ।
अघिल्लो महिना बेलायतमा एक कोल्ड स्टोरेज ट्रकमा ३९ जना मृत फेला परेका थिए । ती सबै भियतनामका नागरिक भएको बताइएको छ ।
अनि फ्रान्स र इटलीको सीमा नजिक पनि एक लरीमा शनिवार ३१ जना पाकिस्तानी आप्रवासी लुकिरहेको अवस्थामा फेला परेका थिए ।
