नेपाल क्रिकेट संघ (क्यान) ले पाकिस्तान सुपर लिग (पीएसएल) को लागि ५ जना खेलाडीहरुको नाम सिफारिस गरेको छ । संघले अन्तर्राष्ट्रिय क्रिकेट काउन्सिलको आग्रहमा पीएसएल लिगको आगामी संस्करणको लागि पाँच खेलाडीको नाम सिफारिश गरेको जनाएको छ ।
क्यानले विकेटकीपर ब्याट्सम्यान विनोद भण्डारी, तिब्र गतिका बलर करण केसी, अलराउन्डर पवन सर्राफ, स्पिनर ललित नारायण राजवंशी र अलराउन्डर आरिफको नाम सिफारिस गरेको छ । यी पाँच खेलाडीको नाम ड्राफ्टमा पर्ने वा नपर्ने निश्चित भने भइसकेको छैन ।
पाकिस्तान क्रिकेट बोर्डले प्रत्येक वर्ष आयोजना गर्दै आएको सुपर लिगको आगामी संस्करण फेब्रुअरी २० देखि मार्च २२ सम्म चल्नेछ ।
