अनु मलिकको ओपन लेटर आएपछि सोना महापात्राले एउटा कडा चिठी लेखिकी छन् जसमा उनले निकै धेरै महिलाहरूको नाम लिएर भनेकी छन् कि अनु मलिकले ती सबैको शोषण गरेका थिए ।

सिङ्गर र म्यूजिक कम्पोजर अनु मलिक निकै समयदेखि मीटू अभियानको कारण यौन शोषणको आरोपको सामना गरिरहेका छन् । हालै उनले यसलाई लिएर आफ्नो प्रतिक्रिया दिएका थिए र भनेका थिए कि यी आरोपहरूका कारण उनले निकै कष्ट पाएका छन् । साथै उनले सबै आरोपलाई झुटा बताएका थिए । उनले यो पनि भनेका थिए कि दुई छोरीको पिताले यस्तो सोच्न पनि सक्दैन । उनले आफू असीम पीडा र कुनै अध्यारोमा भएको पनि बताएका थिए । उनको यो ओपन लेटर माथि सिङ्गर सोना महापात्रा र स्वेता पण्डितले प्रतिक्रिया दिएका छन् ।

सोना महापात्राले अनु मलिकको यस लेटरपछि आफ्नो ट्वीटरमा ओपन लेटर शेयर गर्दै आफू, अलिशा चिनाय, श्वेता पण्डित, नेहा भसिन र केही क्रु महिला सदस्यको तर्फबाट मलिकले गरेको यौन उत्पीडनको बारेमा लेखिकी छन् । सोनाले यस लेटरमा स्पष्ट लेखिकी छन् कि अनु मलिकले यी सबै महिलाहरूलाई शोषण गरेका थिए ।
सोना महापात्राले लेखिकी छन्, “तपाई यसलाई वाहियात आरोप भन्नुभएको छ तर महिलाहरूले व्यक्तिगत रूपले अगाडि आएर आफ्नो कहानी बयान गरेका छन् । दुई छोरीको पिता भन्दैमा केही पनि सावित हुँदैन ।” सोनासँगै श्वेता पण्डितले पनि अनु मलिकको ओपन लेटरको जवाफ दिएकी छन् ।

अनु मलिकले हालै सोनी टीवीको प्रसिद्ध गायन रियलिटी शो इंडियन आइडलबाट वापस आएका थिए । मलिकले यस नोटमा यो कुराको पनि चर्चा गरेका छन् कि जब उनी टीवीमा वापस आए, मानिसहरुले उनलाई आरोप लगाउन शुरु गरे । यस भन्दा पहिला उनी शान्त बसेका थिए तर यी आरोपले उनको क्यारियरलाई कलङ्ंकित बनाउने कोसिस गरिएको छ ।

https://www.facebook.com/sonatheartiste/posts/10156310155691486