इङलिश प्रिमियर लिग अन्तर्गत म्यानचेस्टर युनाइटेड शेफिल्ड युनाइटेडसँग बराबरीमा रोकिएको छ ।
गएराती सम्पन्न खेलमा म्यानचेस्टर र शेफिल्डबीचको खेल ३-३ गोलले बराबरीमा सकिएको हो ।
शेफिल्डका लागि जोन फ्लेक, लीस मोउसेट र ओली म्याकब्रुनेले एक एक गोल गरेका थिए भने म्यानचेस्टरका लागि ब्राण्डन विलियन्स, मासन ग्रीनवूड र मार्कस राशफोर्डले एक एक गोल गरेका थिए ।
३-२ गोलले पछि परेको अवस्थामा शेफिल्डका म्याकब्रुनेले खेलको ९० औ मिनेटमा गोल गर्दै युनाइटेडसँग अंक खोसेका थिए ।
त्यस्तै खेलको ५२ औ मिनेटमा २-० गोलले पछि परेको म्यानचेस्टरले खेलमा उत्कृष्ट कमब्याक गरेको थियो ।
यो बराबरीपछि शेफिल्ड १३ खेलमा १८ अंकसहित छैठौ स्थानमा छ भने म्यानचेस्टर युनाइटेड १३ खेलमा १७ अंकसहित नवौं स्थानमा रहेको छ ।
