फ्रेन्च लिग वान अन्तर्गत पिएसजीले जित हासिल गरेको छ । गएराती सम्पन्न खेलमा पिएसजीले सेन्ट एटिन्नेविरुद्ध ४-० को सहज जित हासिल गरेको छ ।
पिएसजीको जितमा किलीयन एम्बाप्पेले २ गोल गरेका थिए भने माउरो इकार्डी र लीड्रो परेडेजले एक एक गोल गरेका थिए । खेलको २५औ मिनेटमा सेन्ट एटिन्नेका जीन एउडेज अहोलुले रातो कार्ड पाएर मैदान छोडेपछि १० खेलाडीमा सिमित भएको थियो ।
त्यस्तै पिएसजीका लागि खेलको ६२औ मिनेटमा पाएको पेनाल्टी नेइमारले मिस गरेका थिए । तर यस खेलमा नेइमारले एम्बाप्पेका दुवै गोल असिस्ट गरेका थिए ।
योजितपछि पिएसजीको १७ खेलमा ४२ अंक भएको छ भने दोस्रो स्थानमा रहेको मार्सेलीभन्दा ७ अंकले गाडी रहेको छ । मार्सेलीभन्दा पिएसजी एक खेल कम खेलेको छ ।
