इङलिश प्रिमियर लिग अन्तर्गत ‘बक्सिङ डे’ खेलमा साउथहम्पटनले चेल्सीलाई पराजित गरेको छ । चेल्सीको घरेलु मैदान स्ट्यामफोर्ड ब्रिजमा भएको खेलमा साउथहम्पटनले चेल्सीलाई २-० गोल अन्तरले पराजित गरेको हो ।

साउथहम्पटनको जितमा माइकल ओबाफेमी र नथान रेडमोण्डले एक एक गोल गरेका थिए । साउथहम्पटनले दुवै हाफमा एक एक गोल गर्दै चेल्सीमाथि सहज जित हासिल गरेको हो ।

यो हारपछि पनि चेल्सी अंक तालिकामा चौथो स्थानमा नै रहने छ । चेल्सीको १९ खेलमा १० जित २ बराबरी र ७ खेलमा हर बेहोर्दै ३२ अंक रहेको छ । त्यस्तै साउथहम्पटनले भने महत्वपूर्ण ३ अंक बटुल्दै आफुलाई रेलिगेसन जोनबाट बाहिर ल्याएको छ ।

साउथहम्पटनको १९ खेलमा २१ अंक भएको छ भने लिगमा १४औ स्थानमा उक्लिएको छ ।