क्रिकेट मैदानमा कहिले काही हुने घटना अत्यन्त रोचक हुने गर्दछन् । अहिले जारी अस्ट्रेलियाको बिग बास लिगमा आइतबार यस्तै रोचक घटना भएको छ । जसको भिडियो अहिले सामाजिक संजालदेखि मिडियासम्म चर्चाको विषय बनेको छ ।

आइतबार भएको एडिलेड स्ट्राइकर्स र मेलवर्न रेनेगाडेसबीचको खेलमा यस्तै रोचक घटना भएको छ ।

मेलवर्नले ब्याटिंग गरिरहेको खेलको १७ औ ओभरमा राशिद खानले बलिङ गरिरहेका थिए । ओभरको तेस्री बलमा रशिदले फालेको बलमा ब्याट्सम्यान बेउ वेब्स्टरविरुद्ध एलबीडब्लु अपिल भयो । अपिल विरुद्ध एम्पायरले आउट दिन औला उठाउँदै गर्दा अचानक बिचमा आफ्नो नाक कनाउन लागे । एम्पाएरले बिचमै आफ्नो निर्णय बदलेर नाक कनाएको दृश्यको भिडियो अहिले भाइरल भएको हो ।

एम्पायरले औला उठाउना साथ बलर रशिद खानले विकेट लिएको सेलिब्रेसन गर्न थाले तर एम्पायरले आफुले खेलाडीलाई आउट दिएको नभई आफ्नो नाक कनाएको बताएर खेलाडी र दर्शक सबैलाई अचम्ममा पारे ।

एम्पायर ग्रेग डेविडसनको यो फैसलाको पक्ष विपक्षमा अहिले बहस भइरहेको छ ।

भिडियो हेरौ के भएको थियो :

https://www.facebook.com/BBL/videos/600213510738413/?t=66