इरानले आफ्नो सैन्यक्याम्पमा मिसाइल हानेपछि अमेरिकी राष्ट्रपति डोनाल्ड ट्रम्पले पहिलो ट्वीट गरेका छन् । इराकस्थित दुई सैन्य आधारमा इरानले मिसाइल दागेको पुष्टि गर्दै ट्रम्पले लेखेका छन्, ‘हताहति र क्षतिको विवरण संकलन हुँदैछ, तर सबै ठीक छ। हामीसँग विश्वकै शक्तिशाली र सुसज्जित सेना छ। यसबारे भोली बिहान म आफनो बयान जारी गर्नेछु।’

इरानले आफ्ना सैन्य जनरल कासिम सुलेमानीको हत्या बदलामा इराकस्थित अमेरिकी सैन्य क्याम्पमाथि बुधवार बिहान मिसाइल हमला गरेको छ। हमलालगत्तै अमेरिकाले इराक, इरान, ओमन र पर्सियन खाडी क्षेत्रमा विमान उडानमाथि प्रतिबन्ध लगाएको छ।