प्रेम एक अर्का प्रतिको लगाव र आकर्षण हो । प्रेम माया, स्नेहको डोरीमा अडिएको हुन्छ । बुवा आमाले छोरा छोरी र छोरा छोरीले बुवा आमा प्रति गर्ने प्रेमको कुनै दायरा हुँदैन । तर युवा युवती वा विपरितलिङ्गी बीचको प्रेममा धेरै कुराको दायरा रहेको हुन्छ । प्रेम एक अर्काको भवना बुझ्ने कडीसमेत हो ।
तर कहिलेकाँही एक अर्काको भावना नबुझ्दा प्रेममा समस्या देखा पर्छ ।
हरेक प्रेम सम्बन्धमा उतारचढाव आइरहेको हुन्छ । प्रेम आफैमा विना स्वार्थ चल्ने गर्दछ । तर कहिलेकाहीँ प्रेममा सुझबुझ र एक अर्काको भावना नबुझिदिँदा प्रेम टुट्ने गर्दछ ।
कतिपय अवस्थामा महिलाले पुरुषको र पुरुषले महिलाको भावना कस्तो हुन्छ भनेर नजान्नाले पनि प्रेममा दरार आउने गर्दछ । त्यसले प्रेममा हुनुहुन्छ भने यी कुराको जानकारी राखेमा तपाईको प्रेमी तथा प्रेमिकासँगको सम्बन्ध अझै सुमधुर हुने गर्दछ ।
१. सबै मानिसलाई आफ्नो बारेमा अरुले राम्रो भनिदिउन् भन्ने चाहना हुन्छ । अझ महिलामा यो चाहना बढी मात्रामा हुने गर्दछ । यस्तोमा तपाई प्रेमीकासँगको भेट वा कुराकानीमा सकेसम्म उनको बखान गर्न नछुटाउनुहोस् ।
२. हरेक प्रेमीका आफ्नो प्रेमीले आफूलाई स्वतन्त्रता दिउन् भन्ने चाहानछन् । उनीहरु आफ्नो बारेमा प्रेमी उदार हुन् भन्ने सोच्दछन् । तसर्थ आफ्नी प्रेमीकालाई कुनै कुरामा बन्देज वा प्रतिबन्ध नलगाउनुहोस् ।
३. अधिकाशं महिलालाई साना कुराले पनि निकै प्रभाव पार्दछ । उनीहरु आफ्नो प्रेमीले प्रस्ताव गरेको, पहिलो पटक भेटेको लगायत अन्य दिनहरु सम्झिउन् भन्ने चाहान्छन् । तर पुरुष भने यस्ता मिति खासै ख्याल राख्दैनन् । जसले कहिलेकाहि तपाईको प्रेमिकाको मन खिन्न बनाउने गर्दछ ।
४. के तपाईले आफ्नो प्रेमिकालाई कहिल्यै सरप्राइज दिनु भएको छ । सरप्राइज दिन कुनै महंगो वस्तु वा उपलब्धि चाहिदैन । मात्र अरुले भन्दा फरक ढंगले उनलाई उपहार, कुनै निर्णय वा उपलब्धी सुनाउनु भयो भने यसले उनलाई सरप्राइज दिन सक्छ ।
५. कहिल्यै पनि आफ्नो प्रेमिकालाई अन्य महिला वा पूर्व प्रेमिकासंग तुलना नगर्नुहोस् । यसरी तुलना गर्नाले उनिहरु तपाईको नजरमा आफ्नो स्थान कम वा अरुको बढि छ भन्ने ठान्दछन् । तसर्थ कहिल्यै पनि प्रेमिकालाई कोहि कसैसंग तुलना नगर्नुहोस् ।
६. प्रेम भनेको भावनामा निर्भर रहने गर्दछ । तर कतिपय अवस्थामा यसलाई प्रकट वा देखिने गरी बुझाइनु समेत पर्दछ । तसर्थ हरेक महिला आफ्नो प्रेमीले आफुहरु बिचको प्रेम प्रकट गरुन् वा देखाउन् भन्ने चाहान्छन् । जसले उनीहरु आफ्नो पुरुषका लागि महत्वपुर्ण छु भन्ने ठान्दछन् ।
७. हरेक महिला आफ्नो प्रेमीले सघाउन् वा साथ दिउन् भन्ने चाहान्छन् । कार्यालयको काम, शैक्षिक बिषय वा घरायशि बिषयमा पनि प्रेमीको साथ होस् भन्ने उनीहरुको चाहाना हुन्छ । यसतोमा सघाउने वा साथ दिनाले तपाईकी प्रेमिका तपाई प्रति निकै सकारात्मक बन्ने गर्दछिन् ।
