नेपाली राष्ट्रिय क्रिकेट टोलीका पेसर सोमपाल कामीले विवाह गरेका छन् । उनले प्रेमिका प्रतिभा घिमिरेसँगको ४ वर्ष लामो प्रेम सम्बन्धलाई औपचारिक रुपमा वैवाहिक रुप दिएका हुन् ।

सोमपालले धनगढीकी प्रतिभा घिमिरेसँग बिहीबार राजधानीको एक मन्दिरमा विवाह गरेका हुन् । राष्ट्रिय क्रिकेट टोलीका निवर्तमान कप्तान पारस खड्काले सोमपाल र प्रतिभालाई वैवाहिक जीवनको शुभकामना दिएका छन् । उनले नयाँ यात्रा थालेकोमा बधाई भन्दै सामाजिक सञ्जालमा सन्देश जारी गरेका छन् ।