नेइमार फेरी घाइते भएका छन् । बुधबार २८ बर्षका पुग्न लागेका नेइमार मंगलबार राती हुने नान्टेजविरुद्धको खेलमा नेइमार टिम बाहिर रहेका छन् ।
नेइमारको करंगको समस्या भएको बताइएको छ । नेइमार ठुलो पार्टी गर्ने खेलाडीको रुपमा चर्चित छन् । बार्सिलोनाका पूर्व खेलाडी नेइमारको इन्जुरी र जन्मदिनको गजबको संयोग रहेको छ । पिएसजी आएदेखि नेइमार हरेक जन्मदिनमा इन्जुरीका कारण टिम बाहिर रहेका छन् । यस अघि २०१८ र २०१९ मा पनि घाइते भएका थिए ।
पिएसजी कोच थोमस टुचेलले नेइमारले खेल अगाडी जन्मदिनको पार्टी गरेकोमा असन्तुष्टि व्यक्त गरेका छन् । उनले खेलको तयारी गर्ने यो सहि तरिका नभएको बताउदै असन्तुष्टि व्यक्त गरेका थिए ।
गत खेलमा सब्सटिच्युट हुदा रिसाएका किलीयन एम्बाप्पेलाई भने टिममा समावेश गरिएको छ । असन्तुष्ट रहेका एम्बाप्पेका बारेमा बोल्दै टुचेलले भने कोचका हिसाबले व्यक्तिगत रुपमा असन्तुष्ट छैन । कोचो हिसाबले कसलाई के गर्ने भन्ने निर्णय लिइन्छ । यसमा खेलाडीको नजरले हेरिदैन ।
