दक्षिण अफ्रिकाले पाहुना टोलि इङल्याण्डलाई एकदिवसीय सिरिजको पहिलो खेलमा पराजित गरेको छ ।
गएराती सम्पन्न खेलमा दक्षिण अफ्रीकाले इङल्याण्डलाई ७ विकेटले पराजित गरेको हो ।
इङल्याण्डले दिएको २५९ रनको लक्ष्य पछाएको दक्षिण अफ्रीकाले ४७।४ ओभरमा ३ विकेट गुमाउदै लक्ष्य पुरा गरेको थियो ।
दक्षिण अफ्रिकाका लागि कप्तान क्वेंटन डिककले शतकीय पारि खेलेका थिए । डिककले १०७ रन बनाएर दक्षिण अफ्रिकाको जितको आधार बनाएका थिए । त्यस्तै टेम्बा बभुमाले ९८ रनको योगदान दिए भने रास्सी भान डेर दुसेनले ३८ रन बनाए ।
यस अघि टस हारेर पहिला ब्याटिंग गरेको इङल्याण्डले ५० ओभरमा ८ विकेट गुमाउदै २५८ रन बनाएको थियो । इङल्याण्डका लागि जोय डेनलीले सर्वाधिक ८७ रन बनाए भने क्रिस वोक्सले ४०, जासन रोयले ३२ रन बनाए ।
दक्षिण अफ्रिकाका बलर तब्राज शाम्सीले सर्वाधिक ३ विकेट लिएका थिए ।
शतकीय पारी खेलेका दक्षिण अफ्रिकाका कप्तान क्वेंटन डिकक खेलको प्लेयर अफ द म्याच बनेका थिए ।
तीन खेलको सीरिजमा दक्षिण अफ्रीकाले १(० को अग्रता हासिल गरेको छ । सिरिजको दोस्रो खेल फेब्रुअरी ७ मा हुँदैछ ।
