भारतको नयाँ दिल्लीबाट मुम्बइको लागि उड्न लागेको इण्डिगो एयरको विमानमा बम रहेको हल्ला फैलिएपछि विमान चढेका यात्रुबीच हंगामा मच्चियो । घटना गत आइतबारको हो । विमानमा कसैल बम रहेको भन्ने सूचना दिएपछि विमान चढिसकेका यात्रुलाई विमानबाट उतारिएको थियो । सुरक्षाकर्मीले सुरक्षा जाँचको लागि सबै लगेजलाई बाहिर निकालेका थिए ।
सुरक्षा चेकजाँचका क्रममा त्यहाँ बम नभएको पुष्टि भयो । उक्त सूचना गलत भएको सावित भए पछि सूचना दिन मानिसको प्रहरीले खोजी जारी राखेको छ । विमानस्थलका एक अधिकारीले जनाएअनुसार इण्डिगोको दिल्लीबाट मुम्बइको उडान भर्न लागेको ६ इ–८४३ मा विमानमा बम भएको सूचना इण्डिगो कार्यालयलाई प्राप्त भएको थियो ।
विमानमा बम भएको सूचना कार्यालयलाई प्राप्त हुनासाथ विमान कम्पनीले विमानस्थललाई यस विषयमा जानकारी गराएको थियो । जब विमानस्थलले सूचना पायो केही बेर विमानको उडान रोकेर सुरक्षा चेकजाँच थालिएको थियो । बमको हल्लाले यात्रुबीच कोलाहल मच्चिएको थियो ।
