चीनमा कोरोना भाइरसको कारया बिहीवारमात्रै ७३ जनाको ज्यान गएको छ। चीनको स्वास्थ्य मन्त्रालयले मन्त्रालयले शुक्रवार बिहान सार्वजनिक गरेको तथ्यांक अनुसार थप ३ हजार १ सय ४३ जनामा संक्रमण भेटिएको जनाएको छ । मन्त्रालयले सार्वजनिक गरेको तथ्यांकमा ९ सय ६२ जना गम्भीर बिरामी छन् र बिहीवार मात्रै ३ सय ८७ जना उपचारपछि घर फर्किसकेका छन् ।
दुई हप्ता अघि चीनको वुहानबाट फैलिएको कोराना भाइसका कारण हालसम्म ६ स ३६ जनाले चीनमा ज्यान गुमाइसकेको मन्त्रालयको तथ्यांक रहेको छ । अहिलेसम्म चीनका विभिन्न शहरमा उपचाररत संक्रमितहरुको संख्या ३१ हजार १ सय १६ जना रहेका छन् । त्यस्तै उपचारपछि १ हजार ५ सय ४० जना अस्पतालबाट निको भएर फर्किएको तथ्यांक सार्वजनिक गरेको छ।
कोरोना भाइरसका कारण चीन बाहिर भने २ जनाको ज्यान गएको छ । कोरोनाको बारेमा सबैभन्दा पहिला विश्व समुदायलाई जानकारी दिने चिनीयाँ डाक्टर लि वेनलियाङको पनि कोरोना भाइरसकै कारण मृत्यु भएको छ । डाक्टर लिमा नयाँ कोरोना संक्रमण भएको दश दिनपछि अर्थात् जनवरी २० मा चीनले कोरोना भाइरसलाई खतराको संज्ञा दियो । चीनमा स्वास्थ्य आपतकालीन अवस्थाको घोषणा गरियो। हाल विश्वभर प्रशंसा कमाइरहेका डाक्टर लिको बिहीवार निधन भएको हो ।
