युइएफए च्याम्पियन्स लिगका अन्तिम १६ का खेलहरु शुरु भएका छन् । गएराती सम्पन्न च्याम्पियन्स लिगको अन्तिम १६ को पहिलो लिगमा बोरुसिया डोर्टमण्डले फ्रेन्च च्याम्पियन पिएसजीलाई पराजित गरेको छ ।
डोर्टमण्डले पिएसजीलाई २-१ गोल अन्तरले पराजित गरेको हो । डोर्टमण्डको जितमा एर्लिंग हाल्याण्डले दुवै गोल गरेका थिए । यसै सिजनमा डोर्टमण्ड गएका नर्वेका १९ बर्षिय स्ट्राइकर हाल्याण्डले लगातार गोल गर्दै विश्वफुटबलमा नयाँ सुपर स्टार जन्मिएको आभास गराएका छन् । उनले डोर्टमण्डका लागि उनले अहिलेसम्म ७ खेलमा ११ गोल गर्दै उत्कृष्ट शुरुवात गरेका छन् ।
पिएसजीका लागि एक गोल भने नेइमारले गरेका थिए । इन्जुरीबाट केही दिन मैदान बाहिर रहेका नेइमार यस खेलबाट फर्किदै गोल गरेपनि पिएसजीलाई जित भने दिलाउन सकेनन् ।
अब दोस्रो लिग मार्च ११ मा पिएसजीको घरेलु मैदानमा हुने छ ।
