न्युजील्याण्डले भारतलाई दोस्रो टेस्टमा पनि पराजित गरेर सिरिज क्लीन स्वीप गरेको छ । दोस्रो टेस्टको तेस्रो दिन न्युजील्याण्डले ७ विकेटले जित हासिल गर्दै सिरिज २-० ले जितेको हो । भारतले दिएको १३२ रनको लक्ष्य पछ्याएको न्युजील्याण्डले ३ विकेट गुमाएर लक्ष्य पुरा गरेको थियो ।

यस अघि भारत दोस्रो इनिंगमा १२४ रनमा अल आउट भएको थियो । पहिलो इनिंगको ७ रनको अग्रताको आधारमा भारतले न्युजील्याण्डलाई १३२ रनको लक्ष्य दिएको थियो । यस अघि भारतले पहिलो इनिंगमा २४२ र न्युजील्याण्डले पहिलो इनिंगमा २३५ रन बनाएका थिए ।

योसँगै भारतले न्युजील्याण्ड टुरमा एकदिवसीय र टेस्ट दुवै सिरिजमा बिना कुनै जित सबै खेलमा हार बेहोरेको छ । त्यस अघि खेलिएको टी-२० सिरिज भने ५(० ले जितेको थियो ।