लमजुङको मर्स्याङदी गाउँपालिका – ६ ठूलोबेसीमा चिनियाँ नागरिक र स्थानीय बासिन्दाबीच झडप भएको छ । स्थानीयहरुले लकडाउनको बेला निर्माण कम्पनीले निर्माण सामग्री ल्याएको भन्दै बिरोध गरेपछि झडपको भएको हो।

न्यादी हाईड्रोपावरका लागि आवश्यक सामाग्री लिएर दुईवटा ट्रक आएपछि गाउँलेहरुले लकडाउनमा किन चहलपहल गरेको भन्दै प्रश्न उठाउँदा चिनियाँ नागरिक कुटपिटममा उत्रिएको वडा ६ की जनप्रतिनीधि डिलमाया थापाले जानकारी दिइन् ।

स्थानीय पत्रकार नबिन कुईकेलका अनुसार स्थानीयले बाटोमा लगाएको तार जाली समेत फाल्दै हाईड्रोपवरले सामान गाउँमा भित्र्याएपछि स्थानीयहरु आक्रशित भएका थिए । आफुहरु घरबाट निस्कन समेत नपाएको तर चिनीयाहरुले भने सामग्री ल्याएपछि कोरोनाको डर बढेको भन्दै स्थानीयवासीले बिरोध गरेका थिए । अवस्था असामान्य बनेपछि त्यहाँ प्रहरी समेत परिचालन गरिएको छ ।