नेपाली सेनामार्फत चीनबाट स्वास्थ्य सामग्री खरिद गर्ने सरकारको तयारीप्रति पूर्वप्रधानमन्त्री एवं समाजवादी पार्टीका अध्यक्ष बाबुराम भट्टराईले असन्तुष्टि जनाएका छन् । अघिल्लो सम्झौता रद्द गरेको सरकारले सेनामार्फत स्वास्थ्य सामग्री ल्याउने तयारी अघि बढाएलगत्तै भट्टराईले त्यसप्रति आपत्ति जनाएका हुन् ।
वाणिज्य तथा आपूर्तिसम्बन्धी निकाय हुँदाहुँदै सेनालाई अघि सारिएकोमा भट्टराईले असन्तुष्टि जाहेर गरेका छन् । कोरोना भाइरस बन्दुक र गोलीले नमारिने टिप्पणी भट्टराईको छ ।
भट्टराईले ट्विटरमा लेखेका छन् -‘भाइरस मार्ने बन्दुक र गोलीले हैन होला ! अनि सरकारले किन चीनबाट स्वास्थ्यसामाग्री किन्न सेनालाई अघि सारेको होला ? के वाणिज्य,आपूर्ति लगायतका निजामति निकाय छैनन्, जी-टू-जी विधिबाट पहिल्यै किन नल्याएको ? के सेना अख्तियारको दायरामा पर्दैन भनेर हो ? चोरको खुट्टा काट् भन्दा किन खुट्टा तानेको ?’
