काठमाडौं उपत्यकाबाट आज बिहानै लकडाउन उल्लङ्घन गर्ने साढे ८ सय भन्दा धेरैलाई प्रहरीले होल्ड गरेको छ । बिहान ७ बजेसम्ममा काठमाडौंबाट ७ सय ३७ जना, ललितपुरबाट १ सय २० जना र भक्तपुरबाट ३ जना गरी ८ सय ६० जनालाई होल्ड गरिएको प्रहरीले जनाएको छ ।
लकडाउनका बेला अत्यावश्यक बाहेकका कामका लागि निस्कन नपाइने भएकाले उनीहरुलाई होल्ड गरिएको प्रहरीले जनाएको छ ।
साधेपुछका क्रममा अत्यावश्यक कामका लागि निस्किएको पाइए छाड्ने पनि गरिएको छ । प्रहरीका अनुसार ३५ वटा मोटरसाइकल पनि होल्ड गरिएको छ । मोटरसाइकल भने बेलुकीमात्रै छाड्ने गरिएको छ ।
