कोरोनाभाइरसका कारण दैनिक ज्यालादारीमा निर्भर मजदुर बढी मारमा छन् । भारतमा यस्ता मजदुरको सहयोगमा विभिन्न सेलिब्रिटी अघि सरेका छन् । तीमध्ये बलिउड नायक सलमान खानले त्यस्ता मजदुरहरुको विशेष ध्यान दिएका छन् । यसअघि सलमानले १६ हजार दैनिक ज्यालादारी मजुरलाई आर्थिक सहयोग गरेका थिए । अब उनले फिल्मी उद्योगमा काम गर्ने दैनिक ज्यालादारी मजदुरका लागि ट्रकभरीको खाद्य सामग्री उनीहरुका लागि पठाएका छन् ।
सलमानले फिल्मी उद्योगका मजदुरका लागि यसअघि १०.५० करोड आर्थिक सहयोग गरिसकेको भारतीय संचारमाध्यमले जानकारी दिएको छ । सलमानका सहयोगी बाबा सिद्दीकीले यो ट्रकको तस्बिर सोसल मिडियामा सेयर गरेका छन् ।
खाद्य सामग्रीले भरिएको ट्रकहरुको तस्बिर पोष्ट गर्दै बाबा सिद्दीकीले सलमानलाई धन्यवाद दिँदै लेखे, ‘दैनिक ज्यालादारी श्रमिकप्रति तपाईंको उदार योगदानका लागि धन्यवाद । जब सहयोगको कुरा आउँछ तब तपाईं सबैभन्दा एक कदम अगाडि नै आउनुहुन्छ । र तपाईंले पुनः एकपटक यो प्रमाणित गरिदिनुभएको छ ।’
सलमानको यस्तो कदमपछि प्रशंसकले उनको अत्यधिक तारिफ गरेका छन् ।
Thank you @beingsalmankhan @tweetbeinghuman for your generous contribution towards the daily wage workers. You are always one step ahead of everybody when it comes to helping people and you have proved that yet again. (1/2).. pic.twitter.com/3zlW51MKOg
— Baba Siddique (@BabaSiddique) April 10, 2020
